வெற்றிகரமாக வணிக ஏற்றுமதியை சாத்தியமாக்குவது எப்படி ?

How to succeed the merchant export business ?


ஏற்றுமதியில் உற்பத்தியாளர் செய்யும் ஏற்றுமதி
(Manufacturer Export ) , வணிகர்கள் செய்யும் ஏற்றுமதி
(Merchant Export ) எனப் பிரிக்கலாம்
உற்பத்தியாளர் செய்யும் ஏற்றுமதி பெரும்பாலும்
அவர்களின்உள்நாட்டு விற்பனையோடு, கூடுதலாக வெளிநாட்டு
சந்தைக்கு செய்யப்படுகிறது .

உற்பத்தியாளர் செய்யும் ஏற்றுமதியின் சாதகம் , உற்பத்தியாளர்
தான் உற்பத்தி செய்யும் பொருளைப்பற்றிய தெளிவான புரிதலை
பெற்றிருப்பர் ,மேலும் உள்நாட்டில் பொருளை விற்பனை
செய்திருப்பதால் பொருளின் விற்பனையில் உள்ள நடைமுறை
சாதக பாதகங்களைப் பற்றிய அனுபவம் இருக்கும் .

வணிக ஏற்றுமதியாளர்கள் பலர் பெரும்பாலும் உள்நாட்டும் வணிக
அனுபவம் இல்லாமல் நேரடியாக ஏற்றுமதி செய்ய முயல்கின்றனர்
.இதனால் பல நேரங்களில் பொருளைப்பற்றிய புரிதல்
இல்லாததாலும், உள்நாட்டு வணிக அனுபவம் இல்லாததாலும்
வெற்றிகரமான ஏற்றுமதியை செய்யமுடிவதில்லை .

உதாரணமாக ஊர்குலத்தில் நீந்த தெரியாத ஒருவன், நேரடியாக
கடலில் நீந்த முற்சிப்பதைப்போன்ற சூழ்நிலை உருவாகிறது .

பலர் ஏற்றுமதி பயிற்சி வகுப்புகளில் கலந்துகொண்டாலே ஏற்றுமதி
செய்துவிடலாம் என நினைக்கின்றனர் , ஏற்றுமதி பயிற்சி
வகுப்புகள் ஏற்றுமதியைப் பற்றிய அடிப்படை அம்சங்களை
விளங்கிக்கொள்ள உதவலாம், ஏற்றுமதி ஆவணங்கள் குறித்த
பயிற்சியையும் கொடுக்கலாம் அனால் ஏற்றுமதியை வெறும்
வகுப்பறையில் கற்றுக்கொள்ள முடியாது .

சைக்கிள் பழக கரும்பலகையில் சொல்லித்தர முடியாது.

ஏற்றுமதியில் லாபம் உள்நாட்டு வணிகத்தை விட அதிகம்தான்
அதேநேரம் அதற்கான அனுபவத்தை பெற்றிருப்பது அவசியம்.

தமிழ்நாட்டில் ஒரு சிறிய நகரத்தை எடுத்துக்கொண்டாலே, வணிக
ஏற்றுமதியாளராக நிறுவனத்தை பதிவு செய்தவர்கள் பலரை பார்க்க
முடியும் , ஏற்றுமதி உரிமம் உட்பட அணைத்து ஆவணங்களோடு
பலர் ஏற்றுமதி செய்ய முயன்றுகொண்டு இருக்கின்றனர் .

ஆனால் வெகு சிலரே வணிக ஏற்றுமதியை வெற்றிகரமாக செய்து
வருகின்றனர் .
காரணம் குளத்தில் மீன் குறைவாக இருக்கும் என நினைத்து
நேரடியாக கடலில் மீன் பிடிக்க முயற்சிப்பதால் வெற்றி
கிடைப்பதில்லை.

அப்படியானால் வெற்றிகரமாக வணிக ஏற்றுமதியை
சாத்தியமாக்குவது எப்படி ?
உள்நாட்டு வணிக அனுபவம் , பொருளைப்பற்றிய புரிதல் வணிக
ஏற்றுமதிக்கு மிக அவசியம்.

ஏற்றுமதி செய்ய விரும்பும் நீங்கள் முதலில் சிறிய அளவிலான
பொருள் வணிகத்தை உங்கள் மாவட்டத்திலோ அல்லது அருகில்
உள்ள மாநிலத்திற்கோ செய்து பாருங்கள் , லாபத்தை மட்டும்
நோக்கமாக எண்ணி செய்ய வேண்டாம் .

இதன்மூலம் கிடைக்கும் பொருள்களைப் பற்றிய அறிவையும் ,
உள்நாட்டு வணிகத்தின் மூலம் கிடைக்கும் அனுபவத்தையும்
ஏற்றுமதிக்கு அறிவு சார்ந்த முதலீடாக பயன்படுத்துங்கள் .

இப்பொழுது வலைத்தளம் மூலமாகவும் நீங்கள் பொருட்களை
சந்தைப்படுத்த முடியும், பல்வேறு வலைத்தளங்கள் இலவசமாக
உங்கள் பொருளை தங்கள் வலைத்தளங்களில் விற்க
அனுமதிக்கின்றனர் , பொருளை வாடிக்கையாளர் வாங்கும் போது
அதற்காக ஒரு சதவீதத்தை மட்டும் எடுத்துக்கொள்கின்றனர் .

எனவே திட்டமிடலோடு முயற்சி செய்யுங்கள் , வணிக ஏற்றுமதி
உங்கள் வசப்படும்